Warzsh Kurd

لە کۆپا ئەمریکا و لە کۆمەڵەی یەکەم هەڵبژاردەی ئەرجەنتین رووبەروی پاراگوایبویەوە. یاریەکەش بە کۆڵێکی بێ وەڵام لە بەرژەوەندی ئەرجەنتین بە کۆتاهات، گۆمێز لەخولەکی 10 تاکە گۆڵی یارییەکەی تۆمار کرد. بەم ئەنجامە هەڵبژاردەی ئەرجەنتین بە کۆکردنەوەی 7 خال لە پلەی یەکەمی کۆمەڵەییەکەم دێت و گەیشتە قۆناغی چارەکی کۆتایی و پاراگوایش بە 3 خاڵ لە پلەیسێیەم دێت هەر لە کۆپا ئەمریکا و لە کۆمەڵەی یەکەم هەڵبژاردەی ئۆرۆگوایی رووبەروی چیلیبویەوە. یاریەکەش بە گۆڵێک بۆ هەردوو لاو بە بەیەکسان بوون بە کۆتاهات،ڤیداڵ لە خولەکی66 بە هەڵە گۆڵەکەی ئۆرۆگوایی تۆمار کرد و رۆگاس لە خولەکی 26 گۆڵەکەی چیلیتۆمار کرد. بەم ئەنجامە هەڵبژاردەی چیلی بە کۆکردنەوەی 5 خاڵ لە پلەی دووەمی کۆمەڵەییەکەم دێت و ئۆرۆگوایش بە 1 خال لە پلەی چوارم دێت.

لە جامی نەتەوەکانی ئەوروپا و لە کۆمەڵەی B هەردوو هەڵبژاردەی بەلجیکا و فنلەندارووبەڕووی یەکبونەوە.  یاریەکەش بە ئەنجامی بە دوو گۆڵی بێوەڵام لە بەرژەوەندی بەلجیکا بە کۆتاهات،لوکاس بە هەڵە لە خولەکی 74 و رۆمیلۆ لوکاکۆ لە خولەکی 81 گۆڵەکانیان تۆمارکرد.  بەلجیکا بە کۆکردنەوەی 9 خاڵ بە پلەی یەکەمی کۆمەڵەی B گەیشتە قۆناغی شانزە،فنلەنداش بە سێ خاڵ لە پلەی سیەم دێت. هەر لە کۆمەڵەی B و لە یارییەکی تردا هەڵبژاردەی دانیمارک رووبەروی روسیابویەوە.  یاریەکەش بە ئەنجامی چوار گۆڵ بەرامبەر بە گۆڵێک لە بەرژەوەندی دانیمارک بەکۆتاهات، دامسگارد لە خولەکی 38 و پۆلسن لە خولەکی 59 و کریستینسن لەخولەکی79 و ماهلی لە خولەکی82 گۆڵەکانی دانیمارکیان تۆمار کرد کرد،ئیچینکۆش لە خولەکی 70(P) تاکە گۆڵەکەی روسیای تۆمار کرد کرد.  دانیمارک بە کۆکردنەوەی 3 خاڵ و بە دووەمی کۆمەڵەی B گەیشتە قۆناغی شانزە،روسیاش بە 3 خاڵ لە پلەی چوارەم دێت.

لە جامی نەتەوەکانی ئەوروپا و لە گروپی A هەڵبژاردەی ئیتاڵیا رووبەروی هەڵبژاردەی وێڵز بویەوە. یارییەکەش بە ئەنجامی گۆڵێکی بێوەڵام لە بەرژەوەندی ئیتاڵیا بە کۆتاهات،تاکە گۆڵەکەش لە رێگەی ماتیۆ پێسینا لە خولەکی 39 تۆماریکرد. بەم ئەنجامە هەڵبژاردەی ئیتاڵیا بە کۆکردنەوەی 9 خاڵ و بە پلەی یەکەم سەرکەوت بۆ قۆناغی 16 و هەڵبژاردەی وێڵزیش بە 6 خاڵ و بە پلەی دووەم سەرکەوت بۆ قۆناغی 16. هەر لە کۆمەڵەی A هەردوو هەڵبژاردەی سویسرا و تورکیا رووبەروی یەکتر بونەوە. یارییەکەش بە ئەنجامی سێ گۆڵ بەرامبەر گۆڵێک لە بەرژەوەندی سویسرا بە کۆتاهات،جیردان شاکیری دوو گۆڵ لە خولەکەکانی 6 و 26 و سیڤیرۆڤیچ لە خولەکی68 گۆلەکانی سویسرایان کرد،تاکە گۆڵەکەی تورکیاش لە رێگەیی  عیرفان قەهوەجی لە خولەکی62. بەم ئەنجامەش هەڵبژاردەی سویسرا بە کۆکردنەوەی ٤ خاڵ لە پلەی سێیەم دێت و چاوەڕێدەکات وەک یەکێک لە باشترین سێیەمەکان سەربکەوێت و تورکیاش بەبێ خاڵ لە پلەی چوارەم دێت و لە یۆرۆی 2020 دورخرایەوە

لە کۆپا ئەمریکا و لە کۆمەڵەى دووەم هەردوو هەڵبژاردەى کۆڵۆمبیا و پیرۆ ڕووبەڕووى یەکتر بوونەوە. یارییەکەش بە دوو گۆڵ بەرامبەر بە گۆڵێک لە سودى پیرۆ کۆتایى هات. سێرجیۆ بینیا لە خولەکی 17 و یارى مینا بەهەڵە لە خولەکی 64گۆڵەکانى پیرۆیان تۆمارکرد، تاکە گۆڵەکەى کۆڵۆمبیاش لە رێگەیی  میگێل بۆرخاوە لە خولەکى 53دا   بە پێناڵتی تۆمارکرا.  بەم ئەنجامە، کۆڵۆمبیا بە کۆکردنەوەی 4 خاڵ لە پلەى دووەمى کۆمەڵەکەی دووەم دێت و، پیرۆش بە 3 خاڵ لە پلەى چوارەمدا دێت. هەر لە کۆمەڵەی دووەم و لە کوپا ئەمریکا، هەڵبژاردەی ئیکوادۆر ڕووبەڕووی ڤەنزوێلا بویەوە.  یاریەکەش بە دوو گۆڵ بۆ هەردوو لا بە یەکسانی بە کۆتاهات. بریسیادۆ لە خولەکی 39 و گۆنزالۆ پلاتا لە خولەکی 71گۆڵەکانی ئیکوادۆریان تۆماریان کرد، گۆڵەکانی ڤەنزوێلاش لە رێگەی کاستیۆ لە خولەکی 51و هێرناندێز لە لە خولەکی 91  تۆماریان کرد.  بەم ئەنجامە، ڤەنزوێلا بە کۆکردنەوەی 2 خاڵ لە پلەی سێیەمی کۆمەڵەی یەکەمدا دێت و ئیکوادۆریش بە 1 خاڵ لە پلەی چوارەمدایە.

کاپتنی بەلجیکی ئێدن هازارد لە دوای توشبونی بە سێ پێکان لە هەوڵی ئەوەدایە بیکاتە خاڵی دەستپێک بۆ گۆڕینی شێوەی یاریکردن و خۆگونجاندنی لەگەڵ لوتکەی یاریەکاندا. ئێدن هازاردی یاریزانی ڕیاڵ مەدرید لە دوو وەرزی ڕابردوودا لەگەڵ یانەکەی تووشی پێکان بوویەوە، و ئەمەش یاریزانە بەلجیکیەکەی ماندوو کردووە. بەڵام ئەمە وایکردووە یاریزانەکە لە شیکردنەوەی شتەکاندا زیاتر واقیعی بێت و تەنانەت شێوازی یاریکردنی بگۆڕێت. هازارد لە کۆنفرانسی پێشووی بەرامبەر بە فینلاند باسی لە پێکانەکانی کرد، و دانی پێدانا دوای ئەوەی توانی بۆ ماوەی 90 خولەک یارییەکی تەواو بکات: دەبینین یارییەکە چۆن دەڕوات بەڵام ئامادە نیم 90 خولەکی تەواو یاریی بکەم. گوتیشی:تا چەند خولەک یاری دەکەم، ئەگەر 50 خولەک بێت 50 خولەک یاری دەکەم و ئەگەر 60 خولەک بێت ئەوە دەبینین. من هیچ کات گومانم لە تواناکەم نەبووە، و لە توانامدایە کە 100٪ ئامادەبم بۆ پاڵەوانێتی ئەوروپا. کاپتنی بەلجیکا گوتیشی:سێ جار پێم شکاوە و لەچاوو 10 ساڵ پێش ئێستا وەک خۆم نامێنم. بەڵام دەزانم ئەگەر تەندروست بم دەتوانم خۆم لەسەر گۆڕەپانەکە بسەلمێنم و ئەوە ئێستا کاری لەسەر دەکەم. من تا ئێستا 100٪ ئامادە نیم، بەڵام ئامادەم دەست پێبکەم، پلانەکە ئەوەیە کە وردە وردە بمناسن. ئاماژەی بەوەشدا کەوا کار دەکات بۆ ئەوەی باشتر بێت و هەموو کارو هەوڵێکی خۆی بۆ بدات و هەر لەسەرەتاوە بەشداری پاڵەوانیەتیەکە بکات.