زێدان لە پەیامێکی خەمناکدا: هەموو شتێک لەبیرکرا. ڕیاڵ مەدرید باوەڕی بە من نەماوە

زەینەدین زێدان لەنامەیەکی خەمناکدا دڵی کردەوە و هۆکارەکانی بڕیارەکەی بۆ جێهێشتنی ڕیاڵ مەدرید ڕوونکردەوە، هەروەها دوای چەندین کۆنفرانس نامەیەکی بۆ پەیامنێران نارد کە تێیدا وەڵامی بابەتی مشتومڕاوی دایەوە.

یانە ئیسپانیەکە ویستی یەکێک لەباشترین ڕاهێنەرەکان لەمێژوی خۆیدا بهێڵێتەوە، بەڵام دوای وەرزێکی سەخت کە تێیدا ڕیاڵ مەدرید نازناوی خولەکەی لەدەستدا، زێدان ماڵئاوایی هەڵبژارد.

ڕۆژنامەی ئیسپانی “ئاس” نامەیەکی ڕاهێنەرە فەڕەنسیەکەی بڵاوکردەوە

و تێیدا هاتووە : هاندەرانی بەڕێزی ڕیاڵ مەدرید، زیاتر لە 20 ساڵە، لە یەکەم ڕۆژم لە مەدرید و لەوەتەی درێسی سپیم لەبەرکردووە، خۆشەویستیتان بۆم نیشان داوە. حەز دەکەم ئەم نامەیە بنووسم، ماڵئاوایی بکەم و بڕیارەکەی خۆم ڕوون بکەمەوە کە لە یانەکە دەڕۆم.

من دەڕۆم، ڕاناکەم، یان بێزار بم لە ڕاهێنان، لە مانگی پێنجی 2018 دا ڕۆیشتم چونکە دوای دوو ساڵ و نیو، دوای چەندین سەرکەوتن و دۆڕان، هەستم کرد کە پێویستە یانەکە نوێ بکرێتەوە بۆ ئەوەی لە بەرزترین ئاستدا بمێنێتەوە،

ئێستا جیاوازە من دەڕۆم چونکە هەست دەکەم ,یانەکە چیتر باوەڕی بە من نییە.»

من لە تۆپی پێ و پێداویستی یانەیەکی وەک ڕیاڵ مەدرید تێدەگەم دەزانم کاتێک نایبەیتەوە،

دەبێت بڕۆیت بەڵام لەگەڵ ئەوەشدا شتێکی گرنگ هەیە لەبیرکراوە، هەموو شتێک کە ڕۆژ لەدوای ڕۆژ دروستم کرد لەبیرکراوە،

پەیوەندیم لەگەڵ یاریزانان، لەگەڵ 150 کەس و دەوری تیپەکە   دروست کردووە.

وەک براوەیەک لە دایک بووم و هاتمە ئێرە بۆ بردنەوەی نازناو، بەڵام خەڵک لەوە گرنگترە، هەستەکانیان، ژیانی تایبەتیان،

 هەستێکیشم هەیە کە ئەو شتانە حسابیان بۆ نەکراوە، هیچ ڕاستییەک نییە کە ئەم شتانە بارودۆخی یانەکە بجوڵێنێت. هەندێک جار کار دەگەشتە ئەوەی سەرزەنشت بکرێم بەهۆی ئەمەوە.

ویستم ڕێز لەو شتە بگرم کە پێکەوە بەدەستمان هێنا من دەمویست لە ماوەی چەند مانگی ڕابردوودا پەیوەندیم لەگەڵ یانەکە و سەرۆک دا کەمێک جیاواز بێت ،وەک لە ڕاهێنەرانی تر. من داوای ئیمتیازات ناکەم 

، بێگومان نەخێر، تەنها کۆمەڵێ بیرەوەری باش هەبێت. 

ژیانی ڕاهێنەر ئێستا لەسەر کورسی یانە گەورەکان، تەمەنی تەنها دوو وەرزە، یان کەمێک زیاتر. بۆ ئەوەی زیاتر لەوە بمێنیتەوە، دەبێت پەیوەندییەکان بەهێز بن،

ئەوە لە پارە گرنگترە، لە ناوبانگ گرنگترە، لە هەموو شتێک گرنگترە. دەبێت بپارێزرێت”

بۆیە ئەوە بەڕاستی ئازارم دەدات لە میدیاکاندا دەیخوێنمەوە، دوای دۆڕان، لەوانەیە لە پۆستەکەم لاببردێم ئەگەر یاری داهاتوو نەبەمەوە. ئەمە من و یانەکە بە گشتی ئازار دەدات

چونکە ئەم میدیایانە بە شێوەیەکی نەرێنی کار دەکاتە سەر یانەکە و گومان و لێکتێنەگەیشتن دروست دەکات

خۆشبەختانە لەگەڵ ئەو یاریزانانە کارم دەکرد، تا مردن لەگەڵم بوون کاتێک شتەکان خراپ بوون،

بە سەرکەوتنێکی گەورە وەمنیان ڕزگار کرد چونکە ئەوان باوەڕیان بە من بوو و دەیانزانی کە من باوەڕم پێیان هەیە.