فەرەنسا و ئەڵمانیا و پرتوگال توانیان سەرکەون بۆ قۆناغی دواتر

لە جامی نەتەوەکانی ئەوروپا و له کۆمەڵەی F هەڵبژاردەی فەرەنسا رووبەروی پرتوگال بویەوە.

یارییەکەش بە دوو گۆڵ بۆ هەردوو لا  و بە یەکسان بوون بە کۆتاهات، کریستیانۆ رۆناڵدۆ دوو گۆڵ لە خولەکەکانی 31 (بە پەناڵتی) و 60 (پەناڵتی) گۆڵەکانی پرتوگالی تۆمار کرد،

هەردوو گۆڵەکەی فەرەنساش لە رێگەی کەریم بێنزیما لە خولەکەکانی 2+45 (پەناڵتی) و 47 تۆمار کرا .

بەم ئەنجامە هەڵبژاردەی فەرەنسا بە کۆکردنەوەی 5 خاڵ و بە پلەی یەکەمی گروپی F سەرکەوت

 بۆ قۆناغی 16 و رووبەروی هەڵبژاردەی سویسرا دەبێتەوە، 

هەڵبژاردەی پرتوگالیش بە 4 خاڵ و بە پلەی سێیەم سەرکەوت بۆ قۆناغی 16 و رووبەروی هەڵبژاردەی بەلجیکا دەبێتەوە.

هەر لە جامی نەتەوەکانی ئەوروپا و له کۆمەڵەی F هەڵبژاردەی ئەڵمانیا رووبەروی هەنگاریا بویەوە.

یارییەکەش بە دوو گۆڵ بۆ هەردوولا و  بە یەکسان بوون بە کۆتاهات،

کای هاڤێرتز لە خولەکی 66 و گۆرتێزکا لە خولەکی 84 گۆڵەکانی ئەڵمانیایان تۆمار کرد،

 سالای لە خولەکی 11 و ئەندرێس چاڤێر لە خولەکی 68 گۆڵەکانی هەنگاریایان تۆمار کرد .

بەم ئەنجامە هەڵبژاردەی ئەڵمانیا بە کۆکردنەوەی 4 خاڵ بە پلەی دووەمی گروپی F سەرکەوت بۆ قۆناغی 16 و  رووبەروی ئینگەلتەرا دەبێتەوە.

هەنگاریاش بە ۱ خاڵ لە پلەی چوارەم دێت و ماڵئاوایی لە یۆرۆ کرد