بە فەرمی بەرشلۆنە گواستنەوەی دێپای ڕاگەیاند

ئەمڕۆ ڕۆژی شەممه بەرشلۆنه لە هەژماری فەرمی خۆی له تویتەر ڕایگەیاند که تا کۆتایی وەرزی 2022 بۆ 2023 گرێبەستێکیان لەگەڵ ممفیس دیپای هۆڵەندی واژوو کردووە.

یانەکە لە لێدوانێکدا ئاماژەیان بەوەدا کە لەگەڵ یاریزانەکە گەیشتونەتە ڕێککەوتن

 بۆ ئەوەی بچێتە ڕیزی یانەکەیانەوە دوای ئەوەی گرێبەستەکەی لەگەڵ لیۆن لە کۆتایی ئەم مانگەدا بەسەردەچێت. 

دێپای 27 ساڵ، چوارەم یاریزانە کە کەتەلۆنیەکان لە هاوینی ئەم وەرزەدا گرێبەستی لەگەڵ واژوو دەکەن،

 پاش هەر یەکە لە هێرشبەری ئەرجەنتینی سیرجیۆ ئەگوێرۆ و ئیریک گارسیای بەرگریکاری مانچستەر سیتی،

هەروەها یانەکە بڕی نۆ ملیۆن یۆرۆی داوە بۆ گەڕانەوەی ئیمێرسۆنی بەرازیلی لە ڕیاڵ بێتس.

هاوکات ئەستێرەی ئەرجەنتینی و کاپتن لیۆنێل میسی کە کۆتایی ئەم مانگە گرێبەستەکەی بەسەردەچێت، هێشتا ئاماژەی بە نوێ کردنەوەی گرێبەستەکەی نەداوە.