ئێریکسن تەندروستی باشە
حوزهیران 15, 2021کریستیان ئێریکسن یاریزانی هێڵی ناوەڕاستی دانیمارک، کە لە یاری کۆتایی جامی ئەوروپا لە گەڵ فینلاند،
تووشی جەڵتەی دڵ بوو، لە پەیامێکدا لە ڕۆژی سێشەممە لە ئەکاونتی ئینستگرامەکەیدا بڵاویکردەوە
و ڕایگەیاند کە لە ئێستایا تەندروستی باشە سەرەڕای ئەو هەلومەرجەی هەیە.
ئێریکسن لە ژێر وێنەیەکیدا کە لەسەر جێگاکەی خۆی پێدەکەنی نووسیبووی: هێشتا دەبێت چەند تاقیکردنەوەیەک لە نەخۆشخانە ئەنجام بدەم، بەڵام هەست بە باشی دەکەم.
یاریزانی تەمەن 29 ساڵ سوپاسی هاندەرانی کرد بۆ هەموو پەیامەکانیان، گوتیشی: ئێستا پشتیوانی لەیاریزانانی دانمارکی دەکەم لەیاریی داهاتوو، دەبێت یاری بۆ تەواوی دانیمارک بکەن.
ئێریکسن کە نازناوی سێریا ئەی لەگەڵ ئینتەر میلان بردووەتەوە، لەناکاودا لە هۆش خۆی چوو و کەوتە سەر زەوی لە یاری نێوان هەڵبژاردەی دانیمارک بەرامبەر فینلەندا.
دکتۆری تیمی دانمارکی مۆرتن بۆیزین ڕۆژی یەکشەممە ئاماژەی بەوەدا کەوا هیچ ڕوونکردنەوەیەکی بۆ ئەو حاڵەتەی ڕوویداوە پێ نییە.
گوتیشی: دڵی وەستا و مەساجمان بۆ کرد بۆ ئەوەی بیبوژێنینەوە، ئەوەی ڕویدا جەڵتەی دڵ بوو.
