بۆچوونی بن زیما لەسەر یۆرۆ و ڕۆیشتنی زیدان

کەریم بێنزیما ئەستێرەی ڕیاڵ مەدرید باس لەئەگەری یاریکردن لەگەڵ مباپێ

 و کاردانەوەی خۆی بۆ ڕۆیشتنی زێدان و گەڕانەوەی ئەنچیلۆتی دەکات 

بێنزیما لە چاوپێکەوتنێکدا لەگەڵ ڕۆژنامەی “مارکا” دا و لەو میانەیدا چەند شتێکی باسکرد،

 لەوانە وەرزی سەختی ڕیاڵ مەدرید و ڕۆیشتنی زێدان و هاتنی ئەنچیلۆتی و گروپی یۆرۆی 2012ی فەرەنسا.

کەریم بێنزیما: هەست دەکەم کە من بەختەوەرترین کەسم لەسەر ئەم هەسارەیە، ئەوەی کە بەڕاستی پێی دڵخۆشم خێزانەکەم و تۆپی پێیە،

 شانازی دەکەم بە گەرانەوەم بۆ نێو هەڵبژاردەی فەرەنسا و بە پەرۆشەوەم بۆ پاڵەوانێتیەکە.

سەبارە بە هەڵبژاردەکانی گروپەکەیان وتی: ئێمە بە مەبەستی تۆڵەسەندنەوە یاری بەرامبەر ئەڵمانیا ناکەین،

لە مۆندیالی 2014وە زۆر شت ڕوویداوە، تەنیا دەمەوێت چێژ وەربگرم و لە یاریەکە سەربکەوین.

هەروەها سەبارەت بە ریاڵ مەدرید گوتی:  ئەگەر سەیری وەرزی ڕابردوو بکەین یانەکەمان هەوڵی بەدەست هێنانی لالیگایان داوە

 و نزیک بوین لە بەدەستهێنانی خولەکە و توانیمان پلەی دوەم بەدەست بێنین،

 گەیشتینە قۆناغی پێش کۆتایی خولی یانە پاڵەوانەکان، بە درێژایی وەرزەکە 60 پێکانمان هەبووە و پێکهاتەکەمان بێ پێکان نەبووە

وتیشی: ئەگەر بەڕێوەبەرایەتی باوەڕی وایە کە ئەو یانەیە پێویستی بە گرێبەست هەیە،

 ئەوە دەکات، بەڵام ئامانجی ئێمە ئەوەیە کە لە هەر هەل و مەرجێک بێت ئەوەی لە توانامندا بێت بیکەین و شتەکان باشتر بکەین.

هێرشبەرە فەڕەنسیەکە لەسەر بابەتی ڕۆشتنی زێدان لە ڕیاڵ مەدرید ئاشکرایکرد

بڕیاڕی هاونیشتیمانیەکەى چاوەڕوان نەکراو بوو.

زێدان کەسایەتیەکی سەرکەوتووی هەبوو لە نێۆ یاریگا و لە دەرەوە هەمیشە وەک برا مامەڵەی لەگەڵم کردووە

و بە هاتنی ئەنچیلۆتیش دڵخۆشم و دەمەوێت بە هەمان شێوەى زێدان کار لەگەڵ ڕاهێنەرە ئیتاڵیەکە بکەم.

هەروەها سەبارەت بە هاتنی مباپێ بۆ ریاڵ مەدرید گوتی: مباپێ یاریزانێکی لاوی بە توانایە و هەموو یانەیەک خەون دەبینێت بەرەو یانەکەى پەلکێشی بکات.

لە ئێستادا پەیوەستە بە گرێبەستەکەى لەگەڵ پاریس و هەرکاتێک بڕیاڕ بدات بێتە مەدرید پێشوازی لێدەکەین،

ئەوەى لە ئێستادا گرنگە بەدەستهێنانی نازناوی یۆرۆیە بۆ فەڕەنسا نەک هاتنی مباپێ بۆ ڕیاڵ مەدرید.