یانەی لیڤەرپوڵ بە چوار گۆڵ بەرامبەر بە دوو گۆڵ یاری لوتکەی لە مانچستەر یونایتد بردەوە

لە یارییەکی لوتکەی دواخراوی هەفتەی 34 ی خولی ئینگلتەرا، یانەی مانچستەر یونایتد میوانداری یانەی لیڤەرپوڵی کرد.

یاریەکەش بە ئەنجامی چوار گۆڵ بەرامبەر بە دوو گۆڵ لە سوودی لیڤەرپوڵ کۆتاییهات،

هەریەکە لە فێرمینیۆ دوو گۆڵ و دێگۆ جۆتا و محەمەد سەڵاح گۆڵەکانی لیڤەرپوڵیان تۆمارکرد، برۆنۆ فێرناندێز و مارکۆس راشفۆرد دوو گۆڵەکەیان بۆ مان یونایتد تۆمار کرد.

بەم ئەنجامە، مانچستەر یونایتد بە کۆی 70 خاڵ لە دووەمی ڕیزبەندیدا مایەوە،

 یانەی لیڤەرپوڵیش خاڵەکانی گەیاندە 60 و چووە پێنجەمی ڕیزبەندی.

هەر لە یاریەکی تری هەفتەی 34 ی هەمان خولدا یانەی ئەستۆن ڤێلا ڕوبەڕوی ئێڤەرتۆن بوویەوە.

بەڵام یاریەکەیان بەبێ ئەنجام کۆتایی پێ هێنا، و هیچ لایەکیان نەیان توانی گۆڵ تۆمار بکەن.

بەمەش، ئیڤەرتۆن بە کۆی 56 خاڵ هەر لە پلەی هەشتەمی ڕیزبەندیەکە مایەوە

 و ئەستۆن ڤێلاش بە کۆی 49 خاڵ لە ڕیزبەندی یانزەیەم ماوەتەوە.