لالیگا یانەی بارسێلۆنا ڕووبەڕوی لیڤانتی دەبێتەوە

ڕۆژی سێشەممە لە هەفتەى 36 ی خولی ئیسپانیا،   کاتژمێر 11 ی شەو، یانەی بارسێلۆنا لە دەرەوەى یاریگاى خۆیدا، بەرامبەر یانەی لیڤانتى یارى دەکات.

یانەی بارسێلۆنا بە کۆکردنەوەی 75خاڵ لە پلەی سێییەم دێت, و یانەی لیڤانتیش بە 39 خاڵ لە پلەی چواردەی لالیگا دێت.

ڕۆناڵد کومانی ڕاهێنەری یانەی بارسێلۆنا پێش یاری ئەمشەوی یانەکەی بەرامبەر لیڤانتی،  لە کۆنفرانسێکی ڕۆژنامەنووسیدا ,

ڕایگەیاند: ڕکابەری کردنی نازناوی خولی ئیسپانیا لە بەهێزترین کاتیدایە, و هەموو توانایەکی خۆیان بەکاردەهێنن تا دوا سات لە پێناو بەدەستهێنانی نازناوەکەدا. 

کومان وتی: بەهۆی ئەنجامەکانی ئەم هەفتەیەوە هیچ گۆڕانکاریەک ڕووینەدا لە ڕیزبەندیەکەدا، ئەتلەتیکۆ مەدرید ڕکابەری یەکەمە چونکە دوو خاڵ لە پێش ئێمەوەیە و دەمانەوێت لە سێ یاری داهاتوودا بردنەوە بەدەستبهێنین. 

وتیشی: قورسە بە بێ هاندەر بتوانین یاری ئەنجامبدەیت و ئێمە چەندین خاڵمان لەیاریگای خۆمان لەدەستداوە  بەهۆی ئامادە نەبوونی ها ندەرانەوە بووە. 

بڵاویشیکردەوە، متمانەی بەسەرجەم یاریزانەکانی هەیە و نامەوێت بچنە کاریگەری هەواڵی ڕۆژنامەکانەوە ,

بەتایبەت دوای سەرنەوکەوتن لە یارییەکاندا و بە دڵنیاییشەوە سێرجی بۆسکێت کێشەی نییە و ئامادەیە بۆ یاریەکەی لیڤانتی. 

ئاماژەی بەوەشدا، لاپۆرتای سەرۆکی یانەکە متمانەی تەواوەتی پێی هەیە و خۆی وەکو ڕاهێنەری بارسێلۆنا دەبینێتەوە لە وەرزی داهاتوودا.