ئەمڕۆ یاری لوتکە لە نێوان بارسێلۆنا و ئەتلەتیکۆ مەدرید بەڕێوە دەچێت
ئایار 8, 2021بڕیار وایە ئێوارەی ڕۆژی شەممە کاتژمێر 5:15 لە هەفتەی 35 ی خولی ئیسپانیا یانەی بارسێلۆنا ،میوانداری یانەی ئەتلەتیکۆ مەدرید بکات لە یاریگایی کامپ نۆ،
یانەی ئەتلەتیکۆ بە کۆکردنەوەی 76 خاڵ لە پلەی یەکەم دێت و یانەی بارساش بە 74 خاڵ لە پلەی سێیەم دێت.
پێش یاری یانەکەی بەرامبەر ئەتلەتیکۆ مەدرید ، ڕۆناڵد کومانی ڕاهێنەری یانەی بارسەلۆنە لە کۆنفرانسێکدا ڕایگەیاند: دوو یانەی بەهێز ڕووبەڕووی یەکدەبنەوە، کە دوو شێوازی جیاوازیان هەیە لە یاریکردندا و بۆ تەنها مەبەستێکیش دەجەنگن.
کومان وتی: بەدڵنیاییەوە ئەنجامی یاریەکەمان بەرامبەر ئەتلەتیکۆ مەدرید بەهیچ شێوەیەک نازناوی ئەم وەرزەی خولی ئیسپانیا یەکلاناکاتەوە ،چونکە هێشتا یاری تر لەبەردەم هەموو یانەکاندا ماوە.
وتیشی: هەموو تیپەکان شێوازی خۆیان هەیە ، پێویستە ئەوپەڕی تواناى خۆمان پیشکەش بکەین،
ئەگەر تۆپمان لە دەست دا پێویستە بەزوترین کات وەریبگرینەوە و پێویستە بە باشی ئامادەبین، هەموو تیپەکان کوالیتی و توانایەکی باشیان هەیە ،
بەرشەلۆنە تیپێکی هێرشبەرییە و پێویستە شێوازی یاریکردنی خۆمان بە پشتی یاریزانەکانمان دابرێژین.
ئاماژەی بەوەشدا، هیوای بەوە هەیە ناوبژیوان ئەو یاریە بەباشترین شێوە بەڕێوەدەبات، و یەکێتی تۆپی پێی ئیسپانیاش بۆ ئەو جۆرە یاریانە باشترین ناوبژیوان دیاریدەکات.
ڕاشیگەیاند: شتێکی نامۆیە سوارێز دەبینن دژیان یاریدەکات بەتایبەت بۆ هاوڕێکانی کە پێشتر پێکەوە یارییان کردووە.
هەروەها دیگۆ سیمیۆنی ڕاهێنەری یانەی ئەتلەتیکۆ مەدرید ڕایگەیاند: یاریەکی قورس بەرامبەر بەرشەلۆنە چاوەڕێیان دەکات،
و بە ڕکابەرێکی سەرسەختیان دادەنێت و ڕاشیگەیاند ئەوان خاوەنی ڕاهێنەرێکی زیرەکن کە کومانە.
سیمیۆنی دەڵێت: کام یانە لەڕووی عەقڵیەت و دەروونیەکی باشەوە ئامادەبوو، بە دڵنیاییەوە نازناوی ئەم وەرزەی خولی ئیسپانیا بەدەستدەهێنێت.
بڵاویشیکردەوە، یاریی دواى یاریی بەشداری دەکەین و بۆ هەر یاریەکیش بژاردەی جیاواز و پلانی جیاوازمان دەبێت،
و هەموو کارێک دەکەین لە پێناو بردنەوەی نازناوی ئەم وەرزە.
ئاماژەی بەوەشدا، متمانەی بەیاریزانە یەدەگەکانی هەیە شوێنی یاریزانە ئامادەنەبووەکان ،بەباشترین شێوە پڕبکەنەوە و هەوڵی تەواو دەدەن لە کامپ نۆ بردنەوە بەدەستهبهێنن.
دوپاتیشیکردەوە، دوانزە خاڵ لەبەردەم تیپەکەیدا ماوە و هەوڵی بەدەستهێنانی سەرجەم خاڵەکان دەدەن لەپێناو بوون بە پاڵەوانی ئەم وەرزەی خولی ئیسپانیا.
