چێڵسی لۆکاکۆی کردۆتە ئامانج و ئیڤەرتۆنیش بەنیازی ئەستێرەیەکی بەرشەلۆنەیە

ڕۆژنامەی زە سەنی بەڕیتانی ئاشکرایکرد، کارگێڕی چێڵسی بۆ بەهێزکردنی پێکهاتەکەى, بۆ ڕکابەرییەکانی وەرزی داهاتوو لەسەر هەردوو ئاستی نێوخۆیی و ئەوروپی،

 دەیەویت لۆکاکۆی هێرشبەری ژمارە  یەکی ئینتەرمیلان و کۆنتی ڕاهێنەر بۆ یانەکەى بگوازێتەوە ,و لەو پێناوەشدا بڕی 90 ملیۆن پاوەندی بۆ ئامادەکردووە.

زەسەن ئاشکرایکرد، چاوەڕێدەکرێت لە گواستنەوەى هاوینەى یاریزانان جیرۆ و ئەبراهام, لە ڕیزی یانە لەندەنیەکە بڕۆن و تیمۆ ڤێرنەریش وەک پێویست نیە,

 و پلانی گواستنەوەى لۆکاکۆ لەلایەن چێڵسیەوە سەرکەوتووە ئەگەر کارگێڕی یانە ئیتاڵیەکە دەستەبەرداری بێت.

لۆکاکۆی بەلجیکی و هێرشبەری ئینتەرمیلان لە هاوینی 2019 لە مانچستەر یونایتدەوە ,
پەیوەندی بە یانە ئیتالیەکەوە کرد و هێرشبەرە ئەسمەرە 27 ساڵیەکە بەشداری 38 یاریکردووە و خاوەنی 25 گۆڵە.

کۆتینیۆ وەرزی داهاتوو دەچێتە پریمەر لیگ و پەیوەندی بە یانەى ئیڤەرتۆنەوە دەکات.

ڕۆژنامەى زە سەنی بەریتانی بڵاویکردەوە، کۆتینیۆی هێرشبەری بەرشەلۆنە ,لە گواستنەوەى هاوینەدا و بە بڕی  35 ملیۆن پاوەند ,
پەیوەندی بە ئیڤەرتۆنەوە دەکات بۆ ئەو مەبەستەش یانەکەى ئەنچیلۆتی ڕاهێنەردڵنیایە هێرشبەرە بەڕازیلیەکە دەگوازێتەوە ،

و لە ئێستاشدا  بە شوێن  خانوویەکی گونجاودا دەگەڕێن بۆ یاریزانە بەڕازیلیەکە.

زە سەن ئاماژەی بەوەدا، ڕێکەوتن لە نێوان ئیڤەرتۆن و بەرشەلۆنە لەسەر گواستنەوەی کۆتینیۆ کراوە ،

و هەردوولا چاوەرێ دەکەن لە پێکانەکەى چاک بێتەوە دواتر مامەڵەی گواستنەوەى بۆ ئینگلتەرا جێبەجێ بکەن.

فیلیپ کۆتینیۆ لە 2018 بە بری 145 ملیۆن یۆرۆ لە لیڤەرپوڵەوە پەیوەندی بە بەرشەلۆنە کرد ،

و تا ئەم ساتە بەشداری 76 یاری کردووە و خاوەنی 21 گۆڵە و لەڕیزی بەڕازیلیش خاوەنی 17 گۆڵە لە 61 یاری.